سعر ماكينة الكور في مصر: الأسعار الحالية وليه بتختلف
لو بتسأل «ماكينة الكور بكام؟» هتلاقي أرقام متباعدة جدًا: في السوق في ماكينات كور من 3,000 جنيه لحد 400,000 جنيه. الفرق ده مش عشوائي. السعر بيتحدد بحاجات واضحة، ولما تفهمها هتعرف تقارن صح وتدفع في اللي شغلك محتاجه فعلًا.
شوف الأسعار الحالية لكل الماكينات
إيه اللي بيحدد سعر ماكينة الكور؟
- أكبر مقاس بنطة بتشغّله: مقاس الماكينة هو أكبر بنطة تركب عليها، لكن الشغل المريح أقل من كده بدرجتين: ماكينة 8 بوصة مريحة لحد 6 بوصة، و7 و8 بوصة للشغل القليل. لو الشغل الكبير كتير، خد 10 بوصة. وكل ما المقاس زاد، الموتور وصندوق التروس أكبر وأقوى، والسعر أعلى.
- يدوي ولا ستاند: الماكينة اليدوي بتتشال باليد وبتنفع للمقاسات الصغيرة والفتحات المتفرقة. ماكينة الستاند بتتثبت في الحيطة أو السقف وبتخرّم مقاسات كبيرة في خرسانة مسلحة تقيلة كل يوم.
- قوة الموتور وعدد السرعات: الموتور الأقوى بيكمّل في الحديد من غير ما يسخن، وتعدد السرعات بيخليك تختار السرعة المناسبة لكل مقاس بنطة.
- نظام الأمان: في ماكينات الستاند الأصلية، لو البنطة قفلت فجأة على سيخ حديد، نظام الأمان (السيفتي كلاتش) بيفصل الحركة لأن الستاند متثبت، فبيحمي الفني والموتور. الماكينات الرخيصة غالبًا من غيره. أما في الماكينة اليدوي فالسيفتي كلاتش ما بيوقفهاش فورًا، والماكينة ممكن ترد بعنف في إيد الفني، وأوبو 160 بالذات قوية وعنيفة وممكن تتسبب في حوادث أو إصابات.
- الجودة وتوافر المنتجات: ماكينة متاحة دايمًا مع بنطها وقطع غيارها غير ماكينة بتختفي من السوق بعد شهرين.
- التخصص والشرح والتعليم: البائع المتخصص بيعرف يوجّهك للماكينة والمقاس الصح، وبيعلّمك تشتغل بيها، وده بيوفر عليك غلطات غالية.
- الشحن واللي بعد البيع: ده أكبر فرق بين سعرين شكلهم واحد، وتفاصيله تحت.
يدوي ولا ستاند: اختار على حسب شغلك مش على حسب السعر
- شغل خفيف وفتحات متفرقة (تكييف، فايبر، غاز، شفاط): ماكينة يدوي أو ستاند 8 بوصة. اليدوي أرخص وأخف وبتشتغل من غير ستاند، والستاند أقوى وأثبت وبتعمل كل المقاسات.
- شغل يومي، أو مقاسات من 5 بوصة وأكبر، أو خرسانة مسلحة تقيلة: ماكينة ستاند 8 بوصة على الأقل، لأنها أسرع وأظبط والفتحة بتطلع مستقيمة.
- مش عارف تختار؟ احسبها بنفسك في أقل من دقيقة بقطر الفتحة وعمقها وعدد الفتحات في اليوم.
اللي بعد البيع هو الفرق الحقيقي
الماكينة ممكن تشتريها من أي مكان. اللي بيفرق هو اللي بيحصل بعد ما تدفع: مين بيرد عليك، ومين بيصلح، وقطع الغيار موجودة ولا لأ. عندنا البيعة مش بتخلص عند الدفع، واحترام الزبون والاهتمام بيه بعد البيع هو أهم حاجة بنتميز بيها.
مثال حقيقي حصل أكتر من مرة: في فترة، المستورد ما وفّرش قطع غيار كفاية، وكان عندنا زباين ماكيناتهم في الصيانة مستنية قطعة. فكّينا ماكينات جديدة من المخزن وخدنا منها القطع عشان زباينّا يرجعوا يشتغلوا، والماكينات دي قعدت عندنا وقت طويل لحد ما اتباعت قطع غيار. ونفس الحكاية حصلت مع منشار. ده بيكلفنا، بس ده معنى إن شغلك مش هيعطل.
ولو الماكينة عطلت خلال سنة من الشراء، بتاخد ماكينة بديلة مجانًا تشتغل بيها لحد ما صيانتها تخلص.
إزاي تقارن بين سعرين صح؟
- قارن نفس الموديل: رقم الموديل مكتوب على الماكينة. ماكينة شبهها في الشكل مش هي.
- احسب التكلفة الكاملة مش سعر الماكينة بس: الماكينة، والبنط اللي شغلك محتاجه، وإيه اللي هيحصل لو عطلت بعد شهر.
- اسأل مين هيصلحها: لو مفيش إجابة واضحة، السعر الرخيص هيطلع غالي.
عندنا السعر مكتوب على كل ماكينة، وهو اللي هتدفعه. مفيش سعر معمول يجذبك وتتفاجئ بغيره لما تكلمنا.
الماكينة بتجيب تمنها بعد كام فتحة؟
كل فتحة بتدفع تمنها لغيرك، الماكينة بتعملها لك كل يوم. احسب الماكينة هتجيب تمنها بعد كام فتحة على حسب أسعار الفتحات في السوق.
أسئلة بتتكرر
أرخص ماكينة كور عندكم بكام؟
أرخص ماكينة هي الماكينة اليدوي، وسعرها الحالي في الجدول تحت. ولو شغلك محتاج ستاند، أرخص ماكينة ستاند هي 8 بوصة.
السعر شامل البنط؟
لأ، الماكينة بتيجي لوحدها من غير بنط. البنطة بتتشرى حسب مقاس الفتحة اللي شغلك محتاجها، وأسعار البنط بكل المقاسات في صفحة بنط الكور.
الماكينة بتعمل كام فتحة قبل أول صيانة؟
ملهاش مقياس ثابت. على حسب خبرة الزبون في التعامل مع الماكينة وظروف الشغل وكميته: في زبون بيحتاج صيانة من أول شهر، وفي زبون بيقعد سنة وسنتين من غير ما يفتحها. المية الكافية والضغط الهادي هما أكبر عاملين.
قطع الغيار متوفرة؟
متوفرة لأغلب الموديلات أغلب الوقت. ولو قطعة مش موجودة في لحظتها، بنقولك بصراحة، وماكينتك مش هتقف: بتاخد ماكينة بديلة تشتغل بيها لحد ما القطعة توصل.
في ضمان؟
اللي بنوعد بيه واضح ومكتوب: لو الماكينة عطلت خلال سنة من الشراء، بتاخد ماكينة بديلة مجانًا تشتغل بيها لحد ما صيانتها تخلص، والصيانة عندنا بفنيين متخصصين في الكور بس.
الأسعار اللي في الجدول محدثة؟
آه، الجدول بيتحدث أوتوماتيك من صفحات المنتجات، فاللي شايفه هو السعر الحالي.
ممكن أشوف الماكينة قبل ما أشتري؟
أكيد. معرضنا في نزلة المهندسين، واحنا فاتحين يوميًا بدون إجازات من 10 ص إلى 8:30 م. ولو مكانك بعيد: شحن سريع داخل وخارج مصر.
أسعار ماكينات الكور في مصر 2026
سعر ماكينة الكور عند دياموند هاوس بيبدأ من 6,280 ج.م للماكينة اليدوي، ومن 14,160 ج.م للماكينة الستاند.
| الماكينة | السعر |
|---|---|
| ماكينة كور أوبو يدوي 160 OB-160بتخرّم لحد 5 بوصة في الخرسانة (عمق 20 سم) و6 بوصة في الطوب الأحمر | 6,280 ج.م |
| ماكينة كور أوبو 8 بوصة OB-205بتخرّم لحد 8 بوصة (205 ملي) | 14,160 ج.م |
| ماكينة كور أوبو 10 بوصة OB-255بتخرّم لحد 10 بوصة (255 ملي) | 17,440 ج.م |
| ماكينة كور كايكن 8 بوصة SCY-2050بتخرّم لحد 8 بوصة (205 ملي) | 22,940 ج.م |
| ماكينة كور أوبو 12 بوصة OB-305بتخرّم لحد 12 بوصة (305 ملي) | 27,125 ج.م |
| ماكينة كور كايكن 10 بوصة SCY-2550بتخرّم لحد 10 بوصة (255 ملي) | 28,165 ج.م |
| ماكينة كور كايكن 12 بوصة SCY-3050بتخرّم لحد 12 بوصة (305 ملي) | 31,930 ج.م |
| ماكينة كور أوبو 14 بوصة OB-355بتخرّم لحد 14 بوصة (355 ملي) | 32,085 ج.م |
| ماكينة كور كايكن 14 بوصة SCY-3550بتخرّم لحد 14 بوصة (355 ملي) | 37,805 ج.م |
السعر المكتوب هو السعر اللي هتدفعه. مفيش سعر معمول يجذبك وتتفاجئ بغيره لما تكلمنا. السعر للماكينة لوحدها من غير بنط، والبنطة بتتشرى حسب مقاس شغلك. شحن سريع داخل وخارج مصر، ومصاريفه بتتحسب حسب مكانك ووزن الطلب.
لقيت نفس الماكينة بسعر أقل بكتير في مكان تاني؟ اقرأ ده قبل ما تدفع
قبل ما تتحمس لأي سعر رخيص على النت، اسأل البائع الأسئلة دي:
- السعر ده لنفس الموديل بالظبط، ولا لماكينة تانية شبهها؟
- هتدفع نفس الرقم المكتوب، ولا لما تكلمه هيقولك سعر تاني؟
- الماكينة أصلية ومعاها فاتورة بالسعر ده؟
- لو عطلت بعد الشراء، مين هيصلحها، وهتشتغل بإيه لحد ما تخلص؟
عندنا السعر مكتوب على كل ماكينة، والماكينات أصلية. ولو الماكينة عطلت خلال سنة من الشراء بتاخد ماكينة بديلة مجانًا تشتغل بيها لحد ما صيانتها تخلص.