الطاقة الشمسية: تخريم فتحات كابلات الألواح والمواسير من السطح بالكور
في كل محطة طاقة شمسية على سطح عمارة أو مصنع في لحظة بيقف فيها الشغل: الكابلات لازم تنزل من الألواح لجوه المبنى للإنفرتر واللوحة. التكسير في سقف السطح بيعمل مشكلة أكبر من الفتحة نفسها: تشققات، ومية بتدخل في أول شتا. الكور بيعمل فتحة دايرية نضيفة بالمقاس في سقف السطح، تعدّي منها ماسورة الكابلات وتقفل حواليها صح.
مقاس الفتحة
مفيش مقاس ثابت في الطاقة الشمسية: المقاس بيتحدد من عدد كابلات الألواح والمواسير اللي هتنزل من السطح في نفس الفتحة. الأضمن: حدد مسار الكابلات ومقاس الماسورة اللي هتعدّي فيها، وقيس قطرها الخارجي، وزوّد عليه شوية عشان تدخل بسهولة. ولو عندك أكتر من خط، فتحة لكل خط أحسن من فتحة كبيرة واحدة.
طول البنطة القياسي 40 سم، يعني سقف السطح بيتخرم من مرة واحدة.
الماكينة المناسبة
- ماكينة كور يدوي أوبو 160: للفتحات الصغيرة والمتفرقة، وبتتشال على السطح بسهولة (7.4 كجم). للشغل الخفيف ولعمق لحد 20 سم.
- ماكينة كور أوبو 8 بوصة على الستاند: لو السقف خرسانة مسلحة تقيلة، أو الفتحة كبيرة، أو شركتك بتنفذ محطات كتير. الستاند بتعمل كل اللي اليدوي بتعمله وأكتر، والفتحة بتطلع مستقيمة.
للأمانة: الماكينة اليدوي أوبو 160 قوية وعنيفة. لو البنطة اتحشرت، الماكينة مش بتقف فورًا وممكن ترد بعنف في إيد الفني، وده ممكن يتسبب في حوادث أو إصابات. علشان كده محتاجة فني متدرب عليها كويس.
القاعدة في المقاس: الماكينة أكبر من البنطة ببوصتين. والماكينة بتيجي من غير بنط.
خطوات فتحة الكابلات في السطح
- حدد مكان الفتحة بعيد عن الكمرات، وقريب من مكان الإنفرتر، وبص على السقف من تحت: مفيش كابلات ولا مواسير ولا حد شغال تحت الفتحة، لأن الكور هيقع لتحت.
- ثبّت الماكينة: ستاند بأكمن في الخرسانة ومسامير الاتزان مظبوطة، أو يدوي للفتحات الصغيرة.
- مية مستمرة على البنطة طول التخريم.
- ضغط خفيف في الأول وزوّد بالراحة.
- عدّي الماسورة واقفل حواليها بعزل كويس. دي أهم خطوة في السطح: الفتحة لو ما اتقفلتش صح هتدخل مية في أول شتا، والعميل هيفتكر إن الطاقة الشمسية هي السبب.
غلطات بتتكرر في شغل الطاقة الشمسية
- فتحة بالشاكوش في سقف السطح. تشققات ومية داخلة.
- عدم تأمين اللي تحت الفتحة. الكور بيقع.
- الشغل من غير مية عشان مفيش مصدر على السطح. خد جركن ومضخة صغيرة.
- فك ماكينة الستاند والشغل بيها بالإيد. أخطر غلطة في المجال.
القايمة الكاملة لأشهر غلطات شغل الكور، وبعضها فيه خطر على حياتك، موجودة في صفحة الكور حسب شغلك.
أسئلة بتتكرر
فتحة واحدة كبيرة ولا كذا فتحة؟
فتحة لكل ماسورة أحسن: أسهل في العزل، وأضمن ضد المية.
بنجهّز فرق تركيب، إيه اللي نشتريه؟
ماكينة يدوي أوبو 160 لكل فريق للفتحات المتفرقة، وماكينة ستاند 8 بوصة للمشاريع الكبيرة والأسقف التقيلة. كلّم خدمة العملاء على واتساب بعدد الفرق وهتاخد سعر الكمية.
الماكينة بتشتغل على كهرباء إيه؟
220 فولت.
بتخرّموا عند العميل؟
لأ. احنا متخصصين في بيع وصيانة ماكينات الكور والبنط بس. الصفحة دي عشان تختار المعدة الصح وتشتغل بيها بفريقك.
أسعار ماكينات شغل الطاقة الشمسية
ماكينة كور يدوي بـ6,280 ج.م أو ماكينة ستاند 8 بوصة بـ14,160 ج.م، والبنطة بتتشرى حسب مقاس شغلك.
| الماكينة أو البنطة | السعر |
|---|---|
| ماكينة كور أوبو يدوي 160 OB-160للفتحات الصغيرة والمتفرقة على السطح | 6,280 ج.م |
| ماكينة كور أوبو 8 بوصة OB-205للأسقف التقيلة والمشاريع الكبيرة | 14,160 ج.م |
السعر المكتوب هو السعر اللي هتدفعه. مفيش سعر معمول يجذبك وتتفاجئ بغيره لما تكلمنا. الماكينة بتيجي لوحدها من غير بنط، وكل مقاسات البنط موجودة في صفحة بنط الكور. شحن سريع داخل وخارج مصر، ومصاريفه بتتحسب حسب مكانك ووزن الطلب.