التكييف المركزي: فتحات مواسير الدكت والمواسير الكبيرة بالكور والمنشار
مشاريع التكييف المركزي (مولات، مستشفيات، فنادق، مباني إدارية) فيها نوعين فتحات في الأسقف والحيطان الخرسانية: فتحات دايرية لمواسير التشلر والفريون والصرف بتتعمل بالكور، وفتحات مستطيلة كبيرة للدكت بتتعمل بمنشار الخرسانة. الاتنين من غير تكسير ولا اهتزاز، وبمقاسات الرسم بالظبط.
المقاسات
مفيش مقاس ثابت في التكييف المركزي: المقاس بيتحدد من قطر الماسورة أو الدكت في رسومات المشروع، مع الفراغ المطلوب للعزل الحراري حوالين الماسورة. قيس القطر الخارجي للماسورة بعزلها، وزوّد عليه حسب مواصفة المشروع.
- المواسير الدايرية (تشلر، فريون، صرف): كور. البنط عندنا من 14 ملي لحد 20 بوصة، فأي مقاس في الرسم موجود.
- الدكت المستطيل والفتحات الكبيرة جدًا: منشار قص الخرسانة، لأن الكور بيعمل فتحات دايرية، والمستطيل الكبير بالكور بيطلع حوافه مسننة.
الماكينة المناسبة
ماكينة ستاند بس. القاعدة: مقاس الماكينة = مقاس البنطة زائد 2 بوصة. ماكينة 8 بوصة لمواسير الصرف والفريون العادية (بنط لحد 6 بوصة)، ماكينة 10 بوصة للبنط من 7 لـ 8 بوصة، وماكينة 12 بوصة فما فوق لمواسير التشلر الكبيرة. ولو شغلك يومي وكثيف في مشاريع كبيرة، كايكن خاماتها أعلى.
الماكينة اليدوي مش لشغل التكييف المركزي: للشغل الخفيف ولعمق لحد 20 سم بس.
خطوات الفتحة في المشروع
- راجع الرسم مع مهندس الموقع: مكان كل فتحة ومقاسها، وإن الفتحة مش في كمرة أو عمود من غير موافقة المهندس الإنشائي.
- أمّن اللي تحت الفتحة لو في سقف، لأن الكور هيقع.
- ثبّت الماكينة تثبيت كامل: أكمن في الخرسانة ومسامير الاتزان مظبوطة. في الشغل الأرضي تقدر تستخدم زرجينة التثبيت من غير أكمن. وفي الحيطة الطوب ثبّت الستاند بخرم نافذ وتيش 12 ملي (جويد أو مسمار من غير راس) من الناحيتين، أو بمسمار تثبيت الحوائط المخصوص لو مش هتوصل لورا الحيطة.
- مية مستمرة من قبل ما البنطة تلمس الخرسانة.
- تغذية هادية، وخفف عند الحديد. المقاسات الكبيرة محتاجة صبر أكتر مش ضغط أكتر.
- للأسقف السميكة: وصلات تطويل ورا البنطة.
غلطات بتتكرر في مشاريع التكييف المركزي
- ماكينة أصغر من اللازم للمقاس. بنطة 10 بوصة على ماكينة 8 بوصة: حمل زيادة، فصوص بتبوظ، وخطر.
- الضغط بالعافية في المقاسات الكبيرة. بيحشر البنطة ويطلّع الماكينة من مكانها.
- إهمال ريجلاج عربية الماكينة مع الشغل اليومي الكتير، فالماكينة بتهتز وبتتعطل.
- مولد الموقع عليه ماكينة لحام في نفس الوقت. بيحرق الموتور.
القايمة الكاملة لأشهر غلطات شغل الكور، وبعضها فيه خطر على حياتك، موجودة في صفحة الكور حسب شغلك.
أسئلة بتتكرر
فتحة الدكت المستطيلة تتعمل بالكور؟
مش عملي: الكور بيعمل فتحات دايرية متجاورة وحوافها مسننة. الدكت المستطيل شغل منشار الخرسانة.
ماكينة واحدة تكفي المشروع؟
لو مقاسات الرسم لحد 6 بوصة: ماكينة 8 بوصة. لو فيه مواسير تشلر كبيرة: خد الماكينة على قد أكبر مقاس في الرسم زائد بوصتين، أو ماكينتين لو الفتحات كتير.
الماكينة بتشتغل على كهرباء إيه؟
220 فولت.
بتخرّموا عند العميل؟
لأ. احنا متخصصين في بيع وصيانة ماكينات الكور والبنط بس. الصفحة دي عشان تختار المعدة الصح وتشتغل بيها بفريقك.
أسعار ماكينات الكور والمنشار للتكييف المركزي
ماكينة كور ستاند 8 بوصة بـ14,160 ج.م، وماكينة 10 بوصة بـ17,440 ج.م للمقاسات الأكبر، والبنطة بتتشرى حسب مقاس الماسورة.
| الماكينة أو البنطة | السعر |
|---|---|
| ماكينة كور أوبو 8 بوصة OB-205للبنط لحد 6 بوصة | 14,160 ج.م |
| ماكينة كور أوبو 10 بوصة OB-255للبنط 7 و8 بوصة | 17,440 ج.م |
| ماكينة كور أوبو 12 بوصة OB-305لمواسير التشلر الكبيرة لحد 10 بوصة | 27,125 ج.م |
| ماكينة كور كايكن 10 بوصة SCY-2550كايكن 10 بوصة بخامات أعلى للشغل الكثيف | 28,165 ج.م |
| ماكينة كور كايكن 12 بوصة SCY-3050كايكن 12 بوصة بخامات أعلى للشغل الكثيف | 31,930 ج.م |
| منشار قص الخرسانة المسلحة بقطر 1 متر – أوبو الأصليلفتحات الدكت المستطيلة والفتحات الكبيرة | 84,690 ج.م |
السعر المكتوب هو السعر اللي هتدفعه. مفيش سعر معمول يجذبك وتتفاجئ بغيره لما تكلمنا. الماكينة بتيجي لوحدها من غير بنط، وكل مقاسات البنط موجودة في صفحة بنط الكور. شحن سريع داخل وخارج مصر، ومصاريفه بتتحسب حسب مكانك ووزن الطلب.