دليل تخريم الخرسانة بالكور
لو انت لسه جديد في مجال الكور، أو بتفكر تشتري أول ماكينة، الصفحة دي هتوفر عليك شهور من التجربة والخطأ. وعندنا فيديو كورس متكامل مجانًا لكل ما يخص الكور نظري وعملي: طريقة التخريم بكل أنواعها وكل الأعماق، سواء في الخرسانة أو الصخور أو الطوب.
يعني إيه تخريم بالكور؟
الكور هو عمل فتحة دائرية نظيفة في الخرسانة المسلحة أو الحجر أو الطوب بواسطة بنطة ألماظ أسطوانية بتلف بسرعة مع تبريد بالمياه. الفتحة بتطلع بدون تكسير ولا اهتزاز يأثر على المبنى، وبأي مقاس من 14 ملي لحد 20 بوصة، وبتُستخدم لمواسير الغاز والسباكة والتكييف والكهرباء والصرف والتهوية والتزريع (تثبيت أشاير الحديد) وغيرهم الكثير...
إزاي تختار ماكينة الكور المناسبة؟
- مقاس الماكينة = أكبر بنطة تشغّلها: ماكينة 8 بوصة تشتغل كل المقاسات من نص بوصة لحد 8 بوصة، و10 بوصة لحد 10 بوصة، وهكذا.
- يدوي ولا ستاند؟ اليدوي للأعمال الخفيفة والمقاسات الصغيرة فقط. الستاند للخرسانة المسلحة والمقاسات الكبيرة والشغل المتكرر.
- أوبو ولا كايكن؟ الاتنين أصليين وبنظام الأمان Safety Clutch. أوبو أفضل قيمة مقابل السعر لو شغلك قليل أو متوسط، وكايكن خاماتها أعلى لشغل الكور اليومي الكثيف.
- شغل الغاز وأي شغل من 2 إلى 7 بوصة: أنسب ماكينة 8 أو 10 بوصة.
- الماكينة بتيجي لوحدها في كرتونة مبرشمة بدون بنط، وبتشتري البنط حسب المقاسات اللي محتاجها.
أسهل طريقة: اعرف حالًا الماكينة المناسبة لشغلك بقطر الفتحة وعمقها وعدد الفتحات في اليوم. أو شوف كل ماكينات الكور بالأسعار والمواصفات.
إزاي تختار البنطة؟
- مقاس البنطة هو قطر الفتحة. انتبه: البوصة في الكور = 25.4 ملي وتختلف عن بوصة السباكة.
- من 14 إلى 46 ملي للتزريع والتثبيتات، ومن 2 إلى 7 بوصة لمواسير الغاز والسباكة والتكييف، ومن 8 إلى 20 بوصة للصرف والتهوية والفتحات الكبيرة.
- للأعماق الكبيرة استخدم وصلات التطويل بدل ما تشتري بنطة أطول.
- لما الفصوص تخلص مش لازم بنطة جديدة: تركيب الفصوص بيرجّع البنطة تشتغل بأعلى كفاءة.
خطوات التخريم الصح
- حدد مكان الفتحة وتأكد من عدم وجود مواسير أو كابلات في المسار.
- ثبّت الماكينة كويس: بالأكمن في الخرسانة، أو بزرجينة التثبيت للشغل الأرضي بدون تخريم. التثبيت الضعيف يكسر الفصوص ويهز الفتحة.
- وصّل مصدر المياه (أو مضخة مياه) – التبريد هو عمر البنطة.
- ابدأ ببطء لحد ما البنطة تثبت في مسارها، وبعدين زوّد الضغط تدريجيًا من غير ما تضغط بالعافية.
- لو البنطة وقفت فجأة من تسليح أو حمل زائد، نظام الأمان بيفصل الحركة – ارجع للخلف شوية وكمّل.
- بعد الانتهاء اطلع الكور (الجزء المقطوع) ونضّف البنطة من الأتربة.
إمتى تستخدم المنشار أو الواير بدل الكور؟
الكور للفتحات الدائرية. أما فتحات الأبواب والشبابيك وقص الكمرات والأسقف والأرضيات فدي شغل منشار قص الخرسانة بديسك 1 متر وعمق قطع 41 سم، والأماكن اللي المنشار مش بيوصلها أو الكتل الكبيرة جدًا بيتقطعها واير قص الخرسانة.
عندك شغلانة دلوقتي؟ اشتغلها بنفسك
ماكينة الكور بتجيب تمنها من أول كام شغلانة، وكل فتحة بعد كده مكسب صافي ليك. ومع الماكينة بتاخد كورس الكور المجاني اللي هيعلمك تخرّم بنفسك من أول يوم، وخدمة العملاء معاك في أي سؤال.
ابعتلنا على واتساب 01068167135 نوع شغلك والمقاسات، وهنرشحلك أنسب ماكينة وبنطة لشغلك وميزانيتك – أو شرّفنا في المعرض وجرّب بنفسك.
وقبل ما تدفع تمن فتحة لحد، احسب كام فتحة تجيب تمن الماكينة.