الكور في المصانع والمحطات: تثبيت الماكينات بالمسامير وتعدية خطوط المواسير والكابلات
قسم الصيانة في أي مصنع أو محطة بيحتاج الكور باستمرار: ماكينة جديدة بتتركب ومحتاجة مسامير تثبيت في الأرضية الخرسانية، خط مواسير أو كابلات بيعدّي من صالة لصالة، هيكل معدني أو رف بيتثبت على حيطة خرسانية. التكسير بيوقف الإنتاج وبيبوظ الأرضية. الكور بيعمل الفتحة بالقطر والعمق المطلوبين في دقايق، والشغل بيكمل.
شغلتين مختلفتين
- تثبيت الماكينات والهياكل (التزريع): فتحات صغيرة بمسامير التثبيت أو أشاير الحديد، ببنط ملي من 14 لـ 46 ملي. القطر والعمق من رسم الماكينة أو من المهندس. التفاصيل في صفحة التزريع.
- تعدية الخطوط: فتحات لمواسير المية والبخار والهوا والصرف والكابلات في الحيطان والأرضيات والأسقف. المقاس حسب الماسورة: في السباكة زوّد بوصة على مقاس الماسورة، وفي الكابلات حسب عدد المواسير اللي هتعدّي. جدول المقاسات لكل شغلانة.
الماكينة المناسبة
- للتزريع ومسامير التثبيت: ماكينة كور يدوي أوبو 160 (سرعة دوران عالية، الأسرع في البنط الملي، وبتتنقل في الصالة بسهولة) أو ماكينة ستاند 8 بوصة اللي بتعمل التزريع بثبات أعلى وبتعمل معاها كل المقاسات الأكبر.
- لخطوط المواسير والكابلات: ماكينة ستاند، والقاعدة إن مقاسها يزيد عن البنطة ببوصتين: 8 بوصة للبنط لحد 6 بوصة، و10 بوصة للأكبر.
للأمانة: الماكينة اليدوي أوبو 160 قوية وعنيفة. لو البنطة اتحشرت، الماكينة مش بتقف فورًا وممكن ترد بعنف في إيد الفني، وده ممكن يتسبب في حوادث أو إصابات. علشان كده محتاجة فني متدرب عليها كويس.
لو المصنع هيشتري ماكينة واحدة للشغلتين: ستاند 8 بوصة، لأن أي شغلانة اليدوي بتعملها الستاند بتعملها أقوى. اليدوي للشغل الخفيف ولعمق لحد 20 سم بس.
المولد: أكتر حاجة بتحرق الماكينات في المصانع
في المصانع والمحطات الماكينة كتير بتشتغل على مولد أو على خط فيه أحمال تانية. مولد ضعيف أو غير منتظم، أو مولد قوي بس متوصل عليه ماكينة لحام أو جهاز قوي تاني في نفس الوقت: كل ده بيحرق موتور ماكينة الكور. خلّي الماكينة على خط مستقر لوحدها وقت التخريم.
خطوات الشغل
- علّم الفتحات من الرسم (رسم قاعدة الماكينة أو مسار الخط)، وراجع مع المهندس أي فتحة في عنصر إنشائي.
- اتأكد من اللي تحت الأرضية أو ورا الحيطة: كابلات، مواسير، خزانات مدفونة.
- ثبّت الماكينة: ستاند بـأكمن في الخرسانة ومسامير الاتزان مظبوطة، أو زرجينة التثبيت في الشغل الأرضي من غير أكمن.
- مية مستمرة على البنطة.
- تغذية هادية، وفي التزريع التزم بالعمق المطلوب بالظبط ونضّف الفتحة قبل المادة اللاصقة.
غلطات بتتكرر في المصانع
- الماكينة على مولد عليه ماكينة لحام. موتور محروق.
- فك ماكينة الستاند والشغل بيها بالإيد في فتحات التثبيت الصغيرة. أخطر غلطة في المجال.
- التثبيت بالرجل بدل الأكمن أو الزرجينة.
- إهمال ريجلاج عربية الماكينة في الشغل اليومي، فالماكينة بتهتز وبتتعطل.
القايمة الكاملة لأشهر غلطات شغل الكور، وبعضها فيه خطر على حياتك، موجودة في صفحة الكور حسب شغلك.
أسئلة بتتكرر
عندنا قسم صيانة، إيه أنسب طقم؟
ماكينة ستاند 8 بوصة، وماكينة يدوي أوبو 160 للتزريع والفتحات المتفرقة، وبنط التزريع بالمقاسات اللي في رسومات الماكينات، وبنط 3 و4 و5 و6 بوصة للخطوط. كلّم خدمة العملاء على واتساب وابعت المقاسات وهتاخد عرض سعر للمصنع.
بتعملوا عقود صيانة للماكينات؟
قطع الغيار الأصلية والصيانة متوفرة عندنا، ولو الماكينة عطلت خلال سنة من الشراء بتاخد ماكينة بديلة مجانًا لحد ما صيانتها تخلص.
الماكينة بتشتغل على كهرباء إيه؟
220 فولت، على خط مستقر لوحدها.
بتخرّموا عند العميل؟
لأ. احنا متخصصين في بيع وصيانة ماكينات الكور والبنط بس. الصفحة دي عشان قسم الصيانة عندك يختار المعدة الصح ويشتغل بيها.
أسعار ماكينات وبنط الكور للمصانع والمحطات
ماكينة كور يدوي بـ6,280 ج.م للتزريع ومسامير التثبيت، وماكينة ستاند 8 بوصة بـ14,160 ج.م لخطوط المواسير والكابلات، أو الستاند لوحدها للشغلتين.
| الماكينة أو البنطة | السعر |
|---|---|
| ماكينة كور أوبو يدوي 160 OB-160الأسرع في التزريع ومسامير التثبيت | 6,280 ج.م |
| ماكينة كور أوبو 8 بوصة OB-205لخطوط المواسير والكابلات، وبتعمل التزريع كمان | 14,160 ج.م |
| ماكينة كور أوبو 10 بوصة OB-255للبنط 7 و8 بوصة | 17,440 ج.م |
| فص التزريع لبنط الكور من 14 إلى 46 مليفص مخصوص لبنط التزريع من 14 لـ 46 ملي | 69 ج.م |
| أكمن تثبيت ماكينة الكور 12 ملي – وزن تقيل للأعمال الشاقةلتثبيت القاعدة في الخرسانة | 275 ج.م |
| زرجينة تثبيت ماكينة الكور – تصنيع دياموند هاوسللشغل الأرضي من غير أكمن | 2,185 ج.م |
السعر المكتوب هو السعر اللي هتدفعه. مفيش سعر معمول يجذبك وتتفاجئ بغيره لما تكلمنا. الماكينة بتيجي لوحدها من غير بنط، وكل مقاسات البنط موجودة في صفحة بنط الكور. شحن سريع داخل وخارج مصر، ومصاريفه بتتحسب حسب مكانك ووزن الطلب.