تخريم التزريع بالكور: زرع الأشاير والمسامير ببنط من 14 لـ 46 ملي
التزريع هو إنك تخرّم فتحة صغيرة بالقطر والعمق المطلوبين في خرسانة قائمة، وتزرع فيها سيخ حديد (شاير) أو مسمار تثبيت بمادة لاصقة، عشان تربط عنصر جديد بالقديم: كمرة أو عمود أو سلم جديد على مبنى قائم، تدعيم وترميم، تثبيت هياكل معدنية أو ماكينات أو درابزين على الخرسانة. الفتحة بالكور بتطلع دايرية ونضيفة وبالقطر المظبوط، فالمادة اللاصقة بتمسك صح والسيخ ما بيتحركش.
شوف أسعار الماكينة وبنط التزريع
مقاسات بنط التزريع
بنط التزريع بالملي من 14 لـ 46 ملي. المقاسات المتوفرة عندنا: 14، 16، 18، 20، 22، 24، 25، 26، 27، 28، 30، 32، 36، 38، 40، 44، 46 ملي.
القطر والعمق بيحددهم المهندس حسب قطر السيخ أو المسمار ونوع المادة اللاصقة: الفتحة بتبقى أكبر من السيخ شوية عشان المادة تلف حواليه، والرقم بالظبط من الرسم أو من نشرة المادة. التزم بيه.
أنهي ماكينة للتزريع؟
في كل شغل الكور بنقول: الماكينة أكبر من البنطة ببوصتين. التزريع هو الاستثناء الوحيد: بنط التزريع من 14 لـ 46 ملي بتشتغل على أي ماكينة كور، وكل ما الماكينة كانت أصغر كان أفضل، لأن الماكينة الصغيرة سرعة دورانها أعلى، والبنطة الصغيرة محتاجة سرعة عالية.
- ماكينة كور يدوي Oubao 160: سرعة دوران 1900 لفة في الدقيقة ووزن 7.4 كجم. الأسرع في التزريع، وبتخرّم من غير ستاند في الحيطة والأرض والسقف، وبتتنقل في الموقع بسهولة.
- ماكينة كور Oubao 8 بوصة على الستاند: بتعمل التزريع برضه وبثبات أعلى، وبتعمل معاها كل مقاسات الكور الأكبر. سرعتها 570 لفة في الدقيقة، يعني أبطأ شوية في المقاسات الصغيرة.
لو هتشتري ماكينة واحدة لكل شغل الكور، خد الستاند: أي شغلانة اليدوي بتعملها، الستاند بتعملها أقوى. ولو شغلك تزريع بس وبتتنقل كتير في الموقع، اليدوي أسرع وأخف.
الشغل بالماكينة اليدوي محتاج تدريب الأول، لأنها بتحمّل على إيد الفني. وللأمانة: الماكينة اليدوي Oubao 160 قوية وعنيفة، ولو البنطة اتحشرت مش بتقف فورًا وممكن تلف بعنف في إيد الفني، وده ممكن يتسبب في حوادث أو إصابات.
فص التزريع
بنط التزريع ليها فص مخصوص للمقاسات الصغيرة: فص التزريع من 14 لـ 46 ملي. ولما الفصوص تخلص مش لازم تشتري بنطة جديدة: بنركّب فصوص جديدة على بنطتك في ورشتنا وترجع تشتغل، والتركيب شامل 3 اختبارات للبنطة (السماكة والرفة والبيضاوي) وقصها عشان نتأكد إنها سليمة وتنفع تشتغل تاني.
خطوات التزريع
- علّم أماكن الفتحات من الرسم. المسافات بين الأشاير والبعد عن حافة الخرسانة من المهندس.
- لو المهندس طالب تتجنب حديد التسليح الموجود، حدد مكانه الأول. الكور بيقطع الحديد لو قابله، لكن قطع سيخ موجود قرار المهندس مش الفني.
- خرّم بالمية، عمودي على السطح، وللعمق المطلوب بالظبط. علّم العمق على البنطة قبل ما تبدأ.
- نضّف الفتحة كويس من المية والطين قبل المادة اللاصقة، زي ما نشرة المادة بتقول. الفتحة المتسخة هي أكتر سبب لفشل التزريع.
- احقن المادة وادخل السيخ بلف خفيف، وسيبه من غير حركة لحد ما المادة تجمد المدة اللي النشرة بتحددها.
غلطات شغل الكور اللي بتظهر في التزريع
- الشغل بماكينة ستاند مفكوكة من الستاند بالإيد. بعض الفنيين بيفكوا الماكينة من الستاند عشان المقاس صغير ويخرّموا بيها بالإيد. ماكينة الستاند مش معمولة للإيد، ودي غلطة بتعمل حوادث ممكن توصل للوفاة. لو عايز تخرّم بالإيد، اشتري ماكينة يدوي.
- ضغط زيادة على البنطة. البنط الملي رفيعة، والضغط الجامد بيبوظ الفص وبيحشر البنطة وبيطلّع الفتحة مايلة.
- الشغل من غير مية. الفص بيتحرق.
- سرعة دوران مش مناسبة للقطر. البنط الصغيرة محتاجة سرعة عالية، والكبيرة سرعة أقل. السرعة الأعلى من اللازم للقطر خطر وبتبوظ الفص.
- لو بتشتغل بستاند: تثبيت ناقص أو أكمن في الطوب. الأكمن للخرسانة بس، ومسامير الاتزان لازم تتظبط، والفني ما يقفش على القاعدة برجله بدل التثبيت. في الطوب ثبّت الستاند بخرم نافذ وتيش 12 ملي (جويد أو مسمار من غير راس) من الناحيتين، أو بمسمار تثبيت الحوائط المخصوص لو مش هتوصل لورا الحيطة.
- ريجلاج عربية الماكينة سايب (الجزء اللي الموتور مربوط فيه على العمود المربع). الاهتزاز بيعمل أعطال وبيطلّع الفتحة أوسع من المطلوب. راجعه بشكل دوري.
- مولد غير مناسب. مولد ضعيف أو غير منتظم، أو عليه ماكينة لحام في نفس الوقت (وده شائع جدًا في مواقع التزريع والهياكل المعدنية)، ممكن يحرق الموتور.
شغلك مش تزريع؟ شوف مقاس البنطة والماكينة لكل شغلانة كور.
أسئلة بتتكرر
أعمل التزريع بدريل الدق ولا بالكور؟
دريل الدق بيوقف عند الحديد وبيعمل اهتزاز وتشققات حوالين الفتحة، خصوصًا قرب الحواف وفي الخرسانة القديمة. الكور بيقطع الحديد لو قابله، وبيطلع فتحة بالقطر المظبوط من غير اهتزاز. والمهندس أو نشرة المادة اللاصقة هما اللي بيحددوا الطريقة المطلوبة.
بنطة 16 ملي بتركب على ماكينة 8 بوصة؟
أيوه، كل مقاسات البنط بتركب على كل الماكينات. بس الماكينة الأصغر أسرع وأريح في التزريع.
الفتحة لازم تكون بمية؟
أيوه. الكور بيشتغل بمية دايمًا، ونضّف الفتحة منها كويس قبل المادة اللاصقة.
الماكينة بتشتغل على كهرباء إيه؟
220 فولت.
بتعملوا تزريع عند العميل؟
لأ. احنا متخصصين في بيع وصيانة ماكينات الكور والبنط والفصوص بس. الصفحة دي عشان تختار المعدة الصح وتشتغل بيها بنفسك أو بفريقك.
Prices for rebar anchoring core drilling
Start with a handheld core drill and a 16 mm bit for 6,685 EGP in total; every anchoring size from 14 to 46 mm is on the core bits page.
| Machine or bit | Price |
|---|---|
| Original Oubao Handheld Core Drill OB-160 | 6,280 EGP |
| Original Oubao 8 Inch Core Drilling Machine OB-205 | 14,160 EGP |
| Diamond Core Drill Bit 14 mm | 675 EGP |
| Diamond Core Drill Bit 16 mm | 405 EGP |
| Diamond Core Drill Bit 20 mm | 405 EGP |
| Diamond Core Drill Bit 25 mm | 435 EGP |
| Diamond Core Drill Bit 32 mm | 455 EGP |
| Diamond Core Drill Bit 46 mm | 590 EGP |
| Anchoring Core Bit Segment for 14 to 46 mm Bits | 69 EGP |
The price you see is the price you pay. No teaser price that changes when you contact us. Fast shipping inside and outside Egypt; the cost depends on your location and the order weight.