قبل ما تشتري ماكينة كور: 5 أسئلة اسألها لأي بائع
لو بتدوّر على ماكينة كور بسعر مناسب تشغّل بيها شغلك، فده حقك. بس سعر الماكينة يوم الشراء مش هو كل الحكاية: ماكينة الكور بتشتغل تحت حمل عالي، وأي ماكينة ممكن تدخل صيانة في يوم. الفرق الحقيقي بين بائع والتاني بيبان بعد البيع.
5 أسئلة اسألها لأي بائع قبل ما تدفع
- قطع الغيار متوفرة؟ اسأل بالاسم على الموبينة والمخدة والشربون والأويل سيل، واسأل هتوصلك في قد إيه.
- مين اللي هيصلّح الماكينة؟ وفيه مكان ثابت تروحله لو عطلت؟
- لو الماكينة دخلت الصيانة، شغلك هيقف؟ ولا فيه ماكينة بديلة تشتغل بيها لحد ما تخلص؟
- الماكينة الستاند فيها نظام أمان (Safety Clutch)؟ النظام ده بيحمي الفني لما البنطة تتحشر فجأة.
- تقدر تشوف الماكينة بعينك وتجربها قبل ما تشتري؟
ماكينات الكور عندنا لنفس الشغل
أغلب اللي بيدوّر على ماكينة 8 بوصة شغله غاز وسباكة وتكييف. دي الماكينات اللي عندنا للشغل ده، من الأرخص للأغلى:
- ماكينة كور أوبو يدوي 160 الأصلية OB-160: للشغل الخفيف بس. قوية جدًا، ولو البنطة اتحشرت مش بتقف فورًا وممكن تسبب حوادث أو إصابات، فمحتاجة فني متدرب. وأي شغلة بتعملها اليدوي، الستاند بتعملها أقوى.
- ماكينة كور أوبو 8 بوصة الأصلية OB-205: الأكثر طلبًا لشغل الغاز والسباكة والتكييف.
- ماكينة كور كايكن 8 بوصة الأصلية SCY-2050: اختيار تاني لنفس المقاس.
اللي بيميزنا بعد البيع
- خدمة «شغلك مش هيعطل»: لو ماكينتك دخلت الصيانة في أول سنة من الشراء، بنديك ماكينة بديلة تشتغل بيها لحد ما تخلص.
- قطع الغيار الأساسية عندنا: الموبينة والمخدة والشربون والأويل سيل لكل ماكينة بنبيعها. اضغط هنا لصفحة قطع الغيار
- معرضنا قدامك: في نزلة المهندسين بالجيزة، شارع حسين مهران. تعالى اتفرج على الماكينة وجربها. احنا فاتحين يوميًا بدون إجازات من 10 ص إلى 8:30 م.
- شحن سريع داخل وخارج مصر.
- متخصصين في معدات الكور بس من 2005، وتقييمنا 4.9 على خرائط جوجل من أكتر من 1,200 تقييم.
مش عارف تختار المقاس؟
قاعدة بسيطة: الماكينة بتشتغل براحتها لحد مقاسين أقل من مقاسها. يعني ماكينة 8 بوصة مريحة لحد بنطة 6 بوصة، وبتعمل 7 و8 بوصة من وقت للتاني. لو أغلب شغلك 7 و8 بوصة، خد ماكينة 10 بوصة. اضغط هنا واعرف الماكينة المناسبة لشغلك
عندك سؤال قبل ما تشتري؟ كلّم خدمة العملاء على واتساب: 01068167135
