تخريم فتحات مواسير الصرف والمية وكابلات الكهرباء بالكور: مقاس الماسورة زائد بوصة
فتحات مواسير الصرف والمية في الحيطان والأسقف، وفتحات مواسير الكهرباء والكابلات بين الغرف والأدوار: دي أكتر الشغلانات اللي بتتعمل بالكور في مصر، لأنها في كل شقة وكل مبنى. الكور بيعمل الفتحة دايرية بالمقاس المظبوط، من غير تكسير حوالينها ولا تشققات في المحارة والبلاط.
مقاس البنطة في السباكة: زوّد بوصة
خد بالك: مقاس الماسورة غير مقاس البنطة. البوصة في الكور 25.4 ملي، لكن ماسورة السباكة 6 بوصة قطرها الخارجي حوالي 160 ملي، وبنطة الكور 6 بوصة بتعمل فتحة 152 ملي، يعني الماسورة مش هتدخل. القاعدة: بنطة أكبر من مقاس الماسورة ببوصة واحدة. ماسورة 4 بوصة تاخد بنطة 5 بوصة، وماسورة 6 بوصة تاخد بنطة 7 بوصة.
| الماسورة | البنطة |
|---|---|
| 2 بوصة | 3 بوصة (76 ملي) |
| 3 بوصة | 4 بوصة (102 ملي) |
| 4 بوصة | 5 بوصة (127 ملي) |
| 5 بوصة | 6 بوصة (152 ملي) |
| 6 بوصة | 7 بوصة (180 ملي) |
الشائع في السباكة من 3 لـ 7 بوصة. والأضمن دايمًا: قيس القطر الخارجي للماسورة اللي في إيدك قبل ما تختار البنطة.
مقاس البنطة في الكهرباء
مفيش مقاس ثابت: المقاس بيتحدد من عدد مواسير الكهرباء أو الكابلات اللي هتعدّي مع بعض في نفس الفتحة. عدّهم، وقيس القطر الخارجي للحزمة أو الماسورة، وزوّد عليها شوية عشان تعدّي بسهولة.
الماكينة المناسبة
القاعدة: مقاس الماكينة = مقاس البنطة زائد 2 بوصة، ولو المقاس مش متوفر تطلع للأقرب.
- فتحات الكهرباء والمواسير الصغيرة (لحد 3 بوصة): ماكينة كور يدوي Oubao 160 أو ماكينة ستاند 8 بوصة. اليدوي أخف وبتتنقل، والستاند أثبت وبتعمل كل المقاسات بعد كده.
- مواسير الصرف من 4 لـ 6 بوصة (بنط من 5 لـ 7 بوصة): ماكينة ستاند 8 بوصة للبنط لحد 6 بوصة، وماكينة 10 بوصة لو بنطة 7 بوصة شغل يومي عندك.
للأمانة: الماكينة اليدوي Oubao 160 قوية وعنيفة. لو البنطة اتحشرت، الماكينة مش بتقف فورًا وممكن ترد بعنف في إيد الفني، وده ممكن يتسبب في حوادث أو إصابات. علشان كده محتاجة فني متدرب عليها كويس.
اليدوي للشغل الخفيف والمتفرق، وما يفضلش استخدامها فوق 20 سم عمق. الستاند بتعمل كل اللي اليدوي بتعمله وأكتر.
خطوات فتحة السباكة أو الكهرباء
- قيس الماسورة واختار البنطة بقاعدة «زوّد بوصة».
- علّم مكان الفتحة وبص على الناحية التانية من الحيطة أو الدور اللي تحت.
- ثبّت الماكينة: ستاند بأكمن في الخرسانة ومسامير الاتزان مظبوطة. في الطوب: خرّم باليدوي من غير تثبيت، أو ثبّت الستاند بخرم نافذ وتيش 12 ملي (جويد أو مسمار من غير راس) من الناحيتين، أو بمسمار تثبيت الحوائط المخصوص لو مش هتوصل لورا الحيطة. ومتدقش أكمن في الطوب.
- مية مستمرة وإسفنجة أو فوطة تحت الفتحة.
- ضغط خفيف في الأول وزوّد بالراحة، ولما تقابل حديد خفف.
- طلّع الكور، عدّي الماسورة، واقفل حواليها.
غلطات بتتكرر في شغل السباكة والكهرباء
- بنطة بنفس مقاس الماسورة. الفتحة بتطلع أصغر والماسورة ما بتدخلش، والفني يروح يكسّر حواليها.
- فك ماكينة الستاند والشغل بيها بالإيد عشان الفتحة صغيرة. أخطر غلطة في المجال.
- الشغل من غير مية.
- الأكمن في الطوب، أو الوقوف على الماكينة بالرجل بدل التثبيت.
القايمة الكاملة لأشهر غلطات شغل الكور، وبعضها فيه خطر على حياتك، موجودة في صفحة الكور حسب شغلك.
أسئلة بتتكرر
ماسورة 4 بوصة تاخد بنطة كام؟
بنطة 5 بوصة (127 ملي). وماسورة 6 بوصة تاخد بنطة 7 بوصة (180 ملي).
أشتري ماكينة يدوي ولا ستاند؟
لو شغلك فتحات كهرباء ومواسير صغيرة متفرقة: يدوي Oubao 160 أو ستاند 8 بوصة. لو بتعمل فتحات صرف كبيرة أو فتحات كتير كل يوم: ستاند 8 بوصة.
الماكينة بتشتغل على كهرباء إيه؟
220 فولت.
بتخرّموا عند العميل؟
لأ. احنا متخصصين في بيع وصيانة ماكينات الكور والبنط بس. الصفحة دي عشان تختار المعدة الصح وتشتغل بيها بنفسك أو بفريقك.
Prices
A handheld core drill costs 6,280 EGP and the 8 inch stand machine 14,160 EGP; bits are bought by the size your job needs.
| Machine or bit | Price |
|---|---|
| Original Oubao Handheld Core Drill OB-160 | 6,280 EGP |
| Original Oubao 8 Inch Core Drilling Machine OB-205 | 14,160 EGP |
| Original Oubao 10 Inch Core Drilling Machine OB-255 | 17,440 EGP |
| Diamond Core Drill Bit 3 inch (76 mm) | 740 EGP |
| Diamond Core Drill Bit 4 inch (102 mm) | 1,010 EGP |
| Diamond Core Drill Bit 5 inch (127 mm) | 1,215 EGP |
| Diamond Core Drill Bit 6 inch (152 mm) | 1,425 EGP |
| Diamond Core Drill Bit 7 inch (180 mm) | 1,865 EGP |
The price you see is the price you pay. No teaser price that changes when you contact us. The machine comes without bits; every bit size is on the core bits page. Fast shipping inside and outside Egypt; the cost depends on your location and the order weight.