فتحة شفاط المطبخ والحمام بالكور: المقاس حسب ماسورة الشفاط والماكينة المناسبة
فتحة شفاط المطبخ، وشفاط الحمام، وفتحات التهوية في الحيطان: شغلانة صغيرة بس بتتكرر كتير مع فنيي التشطيب والتكييف والمطابخ. الشاكوش بيعمل فتحة مكسّرة الحواف محتاجة ترميم ومعجون، والعميل بيشوف الفرق على طول. ماكينة الكور بتعمل فتحة دايرية نضيفة بالمقاس المظبوط، تدخل فيها ماسورة الشفاط من غير حشو.
مقاس فتحة الشفاط
مفيش مقاس ثابت، لأن كل شفاط ليه ماسورة مختلفة. القاعدة: قيس القطر الخارجي لماسورة الشفاط، وزوّد عليه من 1 لـ 2 سم عشان الماسورة تدخل بسهولة وتقدر تقفل حواليها. ولو الشفاط لسه ما اتحددش، استنى لما يتحدد قبل ما تخرّم، لأن تكبير الفتحة بعدين أصعب من عملها صح من الأول.
نفس الكلام لفتحات التهوية: المقاس حسب ماسورة أو جريل التهوية اللي هتتركب.
الماكينة المناسبة
- ماكينة كور يدوي Oubao 160: للفتحات المتفرقة في الطوب والخرسانة الخفيفة. وزنها 7.4 كجم، وبتخرّم الطوب الأحمر لحد 6 بوصة والخرسانة لحد 5 بوصة بعمق لحد 20 سم.
- ماكينة كور Oubao 8 بوصة على الستاند: لو الحيطة خرسانة مسلحة، أو الفتحة كبيرة، أو شغلك فتحات كتير كل يوم. الستاند بتعمل كل اللي اليدوي بتعمله وأكتر، وبثبات أعلى.
للأمانة: الماكينة اليدوي Oubao 160 قوية وعنيفة. لو البنطة اتحشرت، الماكينة مش بتقف فورًا وممكن ترد بعنف في إيد الفني، وده ممكن يتسبب في حوادث أو إصابات. علشان كده محتاجة فني متدرب عليها كويس.
القاعدة في اختيار المقاس: الماكينة أكبر من البنطة ببوصتين. الماكينة بتيجي من غير بنط، وبتشتري البنطة بالمقاس اللي طلع معاك من القياس.
خطوات فتحة الشفاط
- حدد مكان الفتحة على نفس خط ماسورة الشفاط، وبص على الناحية التانية من الحيطة: مفيش مواسير ولا كابلات.
- لو الحيطة طوب: الماكينة اليدوي بتخرّم من غير تثبيت. ولو بتشتغل بستاند متدقش أكمن في الطوب أبدًا، الأكمن للخرسانة بس. في الحيطة الطوب، أأمن طريقة لتثبيت الستاند: خرم نافذ يطلع من الناحية التانية من الحيطة، تعدّي فيه تيش 12 ملي (جويد أو مسمار من غير راس) وتربط بيه الماكينة على الحيطة من الناحيتين. ولو مش هتقدر توصل لورا الحيطة، في مسمار مخصوص لتثبيت ماكينة الكور في الحوائط، متوفر عندنا.
- لو الحيطة خرسانة: ستاند متثبت بأكمن ومسامير الاتزان مظبوطة.
- مية مستمرة على البنطة، وإسفنجة أو فوطة تحت الفتحة عشان مطبخ العميل.
- ضغط خفيف في الأول لحد ما البنطة تثبت، وبعدين زوّد بالراحة.
- طلّع الكور، ركّب الماسورة، واقفل حواليها.
غلطات بتتكرر في شغل الشفاطات
- التخريم قبل ما الشفاط يتحدد. الفتحة بتطلع أصغر أو أكبر من الماسورة.
- الشغل من غير مية عشان الفتحة صغيرة. الفص بيتحرق برضه.
- الأكمن في الطوب الأحمر لو بتشتغل بستاند. خطر، والصح خرم نافذ وتيش 12 ملي من الناحيتين.
- فك ماكينة الستاند والشغل بيها بالإيد. لو عايز تشتغل بالإيد، اشتري ماكينة يدوي.
القايمة الكاملة لأشهر غلطات شغل الكور، وبعضها فيه خطر على حياتك، موجودة في صفحة الكور حسب شغلك.
أسئلة بتتكرر
أعمل فتحة الشفاط بالدريل والأجنة؟
هتطلع مكسّرة ومش دايرية، وهتحتاج ترميم حواليها. الكور بيطلع فتحة نضيفة بالمقاس في دقايق.
بنطة 5 بوصة بتركب على اليدوي؟
أيوه، كل مقاسات البنط بتركب على كل الماكينات. بس في الخرسانة المسلحة الستاند أريح وأثبت للمقاسات الكبيرة.
الماكينة بتشتغل على كهرباء إيه؟
220 فولت من أي فيشة.
بتخرّموا عند العميل؟
لأ. احنا متخصصين في بيع وصيانة ماكينات الكور والبنط بس. الصفحة دي عشان تختار المعدة الصح وتعمل الفتحة بنفسك.
Prices
A handheld core drill costs 6,280 EGP and the 8 inch stand machine 14,160 EGP; bits are bought by the size your job needs.
| Machine or bit | Price |
|---|---|
| Original Oubao Handheld Core Drill OB-160 | 6,280 EGP |
| Original Oubao 8 Inch Core Drilling Machine OB-205 | 14,160 EGP |
The price you see is the price you pay. No teaser price that changes when you contact us. The machine comes without bits; every bit size is on the core bits page. Fast shipping inside and outside Egypt; the cost depends on your location and the order weight.