تخريم السقف والكمرات بالكور: فتحات رأسية بكل المقاسات بالماكينة اليدوي أو الستاند
أغلب الخطوط في أي مبنى بتعدّي من دور لدور: صواعد الصرف والمية، مواسير التكييف والحريق، الدكت، وكابلات الكهرباء. يعني فتحة في السقف، وساعات في كمرة. الكور بيعمل الفتحة الرأسية في السقف الخرساني المسلح من غير تكسير: بماكينة يدوي للمقاسات الصغيرة والعمق لحد 20 سم، أو بماكينة ستاند لكل المقاسات والأعماق، والفتحة بتطلع مستقيمة ونضيفة.
المقاسات
فتحات الأسقف بكل المقاسات، والمقاس بيتحدد من الحاجة اللي هتعدّي: في السباكة مقاس الماسورة زائد بوصة، وفي الغاز والحريق المقاسات المعروفة في كل تخصص، وفي الدكت والمواسير الكبيرة حسب الرسم. جدول المقاسات لكل شغلانة هنا.
طول البنطة القياسي 40 سم، فالسقف العادي بيتخرم من مرة واحدة. الكمرات والأسقف السميكة بتحتاج وصلات تطويل ورا البنطة.
الماكينة المناسبة
الماكينة اليدوي بتخرّم رأسي وأفقي، في السقف زي الحيطة، طالما قطر الفتحة وعمقها في حدود الماكينة: ماكينة كور يدوي Oubao 160 لحد 5 بوصة في الخرسانة وعمق 20 سم. أكبر من كده، أو لو الفتحات كتير كل يوم، ماكينة ستاند.
القاعدة في الستاند: مقاس الماكينة = مقاس البنطة زائد 2 بوصة، ولو المقاس مش متوفر تطلع للأقرب. ماكينة 8 بوصة بتغطي المقاسات لحد 6 بوصة بارتياح، وماكينة 10 بوصة لو شغلك فيه 7 و8 بوصة كتير، وأكبر من كده للدكت والمواسير الكبيرة.
للأمانة: الماكينة اليدوي Oubao 160 قوية وعنيفة. لو البنطة اتحشرت، الماكينة مش بتقف فورًا وممكن ترد بعنف في إيد الفني، وده ممكن يتسبب في حوادث أو إصابات. علشان كده محتاجة فني متدرب عليها كويس.
التثبيت في الشغل الرأسي
- التخريم من فوق لتحت (واقف على السقف): ثبّت القاعدة بـأكمن 12 ملي في الخرسانة، أو استخدم زرجينة التثبيت بين الأرض والسقف اللي فوقك من غير ما تدق أكمن. وبعد التثبيت ظبّط مسامير الاتزان اللي تحت القاعدة لحد ما الماكينة ما تتحركش.
- التخريم من تحت لفوق (واقف تحت السقف): أكمن في السقف نفسه، والمية هتنزل عليك وعلى الماكينة: حافظ على الموتور بعيد عن المية، والبس واقي للعين.
- الجزء اللي هيقع: الكور (الجزء الخرساني اللي بيتقطع) هيقع لتحت. أمّن المكان اللي تحت الفتحة قبل ما تبدأ.
الكمرات والأعمدة: المهندس الأول
الفتحة في بلاطة السقف بعيد عن الكمرات عادةً مفيهاش مشكلة. أما التخريم في كمرة أو عمود فبيقطع حديد تسليح شايل حمل، وده قرار مهندس إنشائي يحدد المكان والمقاس، مش قرار الفني ولا صاحب الشقة.
الغلطات اللي بتظهر في شغل الأسقف
- فك الماكينة من الستاند والشغل بيها بالإيد في السقف. أخطر غلطة في المجال، وحوادثها ممكن توصل للوفاة.
- التثبيت بالرجل أو بأكمن في الطوب. الأكمن للخرسانة بس، ووزن الفني مش تثبيت.
- إهمال مسامير الاتزان بعد الأكمن، فالماكينة بتهتز والبنطة بتتحشر.
- الضغط على دراع التغذية بالعافية عند الحديد. خفف وسيب البنطة تاخد وقتها.
القايمة الكاملة لأشهر غلطات شغل الكور، وبعضها فيه خطر على حياتك، موجودة في صفحة الكور حسب شغلك.
أسئلة بتتكرر
السقف أسمك من 40 سم؟
بتركّب وصلة تطويل ورا البنطة وتكمّل. وفي بنط طول 1 متر لبعض المقاسات، للشغل اللي الكور فيه صعب يتكسر كل 40 سم بسبب الحديد الماشي بطول الفتحة.
أقدر أخرّم السقف بماكينة يدوي؟
أيوه، طالما قطر الفتحة وعمقها في حدود الماكينة: Oubao 160 لحد 5 بوصة في الخرسانة وعمق 20 سم. أكبر من كده، أو لو الفتحات كتير كل يوم، ستاند.
الماكينة بتشتغل على كهرباء إيه؟
220 فولت. ولو الموقع على مولد لازم يكون مناسب ومنتظم ومفيش عليه ماكينة لحام في نفس الوقت.
بتخرّموا عند العميل؟
لأ. احنا متخصصين في بيع وصيانة ماكينات الكور والبنط بس. الصفحة دي عشان تختار المعدة الصح وتشتغل بيها بنفسك أو بفريقك.
Prices
The 8 inch stand core drill costs 14,160 EGP and the 10 inch 17,440 EGP; bits are bought by pipe size.
| Machine or bit | Price |
|---|---|
| Original Oubao Handheld Core Drill OB-160 | 6,280 EGP |
| Original Oubao 8 Inch Core Drilling Machine OB-205 | 14,160 EGP |
| Original Cayken 8 Inch Core Drilling Machine SCY-2050 | 22,940 EGP |
| Original Oubao 10 Inch Core Drilling Machine OB-255 | 17,440 EGP |
| Original Cayken 10 Inch Core Drilling Machine SCY-2550 | 28,165 EGP |
| 12 mm Core Drill Anchor – Heavy-Duty | 275 EGP |
| Core Drill Fixing Jack – Made by Diamond House | 2,185 EGP |
| CNC Core Bit Extension Rods | 710 EGP |
The price you see is the price you pay. No teaser price that changes when you contact us. The machine comes without bits; every bit size is on the core bits page. Fast shipping inside and outside Egypt; the cost depends on your location and the order weight.