تخريم فتحات كابلات الكاميرات والشبكات بالكور: فتحات صغيرة نضيفة في الحيطان والأسقف
تركيب كاميرات المراقبة، وتمديد شبكات الإنترنت، وتوصيل الإنتركم والأجهزة: كل شغلانة فيهم بتتعمل فيها فتحات كتير وصغيرة، في حيطان شقق وشركات ومصانع. الشاكوش بيكسّر المحارة والبلاط حوالين كل فتحة، والعميل بيشوف أثر الشغل بعد ما تمشي. الكور بيعمل الفتحة دايرية بالمقاس في دقيقة، والماسورة أو الكابل بيعدّي من غير حشو.
مقاس الفتحة
مفيش مقاس ثابت في شغل الكاميرات والشبكات. المقاس بيتحدد من عدد الكابلات اللي هتعدّي مع بعض، أو من قطر ماسورة الكهرباء اللي هتحطهم فيها. قيس القطر الخارجي للماسورة أو لحزمة الكابلات وزوّد عليه شوية عشان تعدّي بسهولة، وخلّي الفتحة كبيرة بس على قد الحاجة عشان تقفلها بسهولة.
الماكينة المناسبة
- ماكينة كور يدوي Oubao 160: الأنسب لفني الكاميرات والشبكات اللي بيتنقل بين مواقع كتير: 7.4 كجم، من غير ستاند، وبتخرّم الطوب والخرسانة في الفتحات الصغيرة. للشغل الخفيف ولعمق لحد 20 سم.
- ماكينة كور Oubao 8 بوصة على الستاند: لو شغلك في خرسانة مسلحة تقيلة أو أسقف، أو مشاريع كبيرة فيها فتحات كتير كل يوم. الستاند بتعمل كل اللي اليدوي بتعمله وأكتر، وبثبات أعلى.
للأمانة: الماكينة اليدوي Oubao 160 قوية وعنيفة. لو البنطة اتحشرت، الماكينة مش بتقف فورًا وممكن ترد بعنف في إيد الفني، وده ممكن يتسبب في حوادث أو إصابات. علشان كده محتاجة فني متدرب عليها كويس.
القاعدة في المقاس: الماكينة أكبر من البنطة ببوصتين. والماكينة بتيجي من غير بنط.
خطوات الفتحة
- حدد مسار الكابل وعلّم مكان الفتحة، وبص على الناحية التانية من الحيطة: مفيش مواسير مية ولا كهرباء.
- في الطوب: اليدوي من غير تثبيت، أو الستاند متثبت بخرم نافذ وتيش 12 ملي من الناحيتين، أو بمسمار تثبيت الحوائط المخصوص. في الخرسانة: ستاند بأكمن ومسامير الاتزان مظبوطة. ومتدقش أكمن في الطوب.
- مية على البنطة حتى في الفتحات الصغيرة، وإسفنجة تحت الفتحة في مكان العميل.
- ضغط خفيف لحد ما البنطة تثبت، وبعدين زوّد بالراحة.
- عدّي الماسورة أو الكابل واقفل الفتحة حواليه.
غلطات بتتكرر في شغل الكاميرات والشبكات
- الشغل من غير مية عشان الفتحة صغيرة. الفص بيتحرق بنفس الطريقة.
- فتحة أكبر من اللازم صعب تتقفل وشكلها وحش.
- الأكمن في الطوب الأحمر لو بتشتغل بستاند. الصح خرم نافذ وتيش 12 ملي من الناحيتين.
- فك ماكينة الستاند والشغل بيها بالإيد. أخطر غلطة في المجال.
القايمة الكاملة لأشهر غلطات شغل الكور، وبعضها فيه خطر على حياتك، موجودة في صفحة الكور حسب شغلك.
أسئلة بتتكرر
الدريل العادي ما يكفيش؟
للكابل الواحد في الطوب ممكن. لكن لما تعدّي ماسورة أو حزمة كابلات في خرسانة، الدريل بيقف عند الحديد والفتحة بتطلع مكسّرة. الكور بيقطع الحديد والخرسانة وبيطلع فتحة بالمقاس.
بنطة 2 بوصة بتركب على اليدوي؟
أيوه، كل مقاسات البنط بتركب على كل الماكينات.
الماكينة بتشتغل على كهرباء إيه؟
220 فولت من أي فيشة.
بتخرّموا عند العميل؟
لأ. احنا متخصصين في بيع وصيانة ماكينات الكور والبنط بس. الصفحة دي عشان تختار المعدة الصح وتشتغل بيها بنفسك أو بفريقك.
Prices
A handheld core drill costs 6,280 EGP and the 8 inch stand machine 14,160 EGP; bits are bought by the size your job needs.
| Machine or bit | Price |
|---|---|
| Original Oubao Handheld Core Drill OB-160 | 6,280 EGP |
| Original Oubao 8 Inch Core Drilling Machine OB-205 | 14,160 EGP |
The price you see is the price you pay. No teaser price that changes when you contact us. The machine comes without bits; every bit size is on the core bits page. Fast shipping inside and outside Egypt; the cost depends on your location and the order weight.